पुण्यासह राज्यातील या शहरांवर पाणी कपातीचे संकट, पाणी जपून वापरण्याचे आवाहन

Maharashtra Drought Water Cuts: राज्यावर दुष्काळाचे सावट आहे. जून-जुलैनंतर ऑगस्टमध्ये पावसाने दडी मारली. तर सप्टेंबरमध्ये डोळे वटारले. त्यामुळे धरणातील जलसाठा कमी होत आहे. पुढील पावसाळ्यापूर्वी पाणी टिकवून ठेवण्यासाठी आतापासूनच शहरवासीयांवर पाणी कपातीचे संकट ओढावले आहे.

Maharashtra Drought Water Cuts: राज्यात भीषण दुष्काळाची स्थिती आहे. पावसाने ओढ दिल्याने अनेक भागात तीव्र पाणी टंचाई निर्माण झाली आहे. राज्यातील मोठ्या धरणातील पाणीसाठा पुढील पावसाळ्यापर्यंत टिकवण्याचे मोठे आवाहन आहे. यामुळे राज्यातील प्रमुख महानगरांसह तालुका आणि जिल्ह्याच्या ठिकाणी पाणी कपातीचे धोरण जाहीर करण्यात आले आहे. नागरिकांनी या परिस्थितीत पाणी जपून वापरण्याचा आणि पाण्याची नासाडी न करण्याचे आवाहन पालिका प्रशासनाकडून करण्यात आले आहे. राज्यातील अनेक शहरात पाणी कपात लागू झाली आहे.